認證試看覓！
今仔日編的攢兩條「對話理解」的題目，請逐家來練習~
對話內容聽了，會當回答看覓喔~
 

-----------------------------------------------------------------------------------------(下面是)



對話理解的解說佇遮！
題目是↓↓↓

老母：這馬攏幾點矣，你猶閣踮眠床頂咧躽！抑是愛我提煎匙共你反起來？
金生：阿母啊~你嘛莫按呢氣怫怫，人阮昨暗是因為拚暝工讀冊，這馬才會peh袂起來~
老母：你喔~一暝全頭路，天光無半步，我看是耍電動耍甲翻點才去睏的啦！
金生：阿母，你真正是我腹肚內的蝒蟲啊~萬項代誌攏逃袂過你的法眼~   
阿母：你尻川幾枝毛，我攏看現現啦！日頭早就曝尻川矣，你欲閣和我佇遮答喙鼓毋？
金生：慘矣！講甲喙角全泡，攏無注意時間~等咧遲到閣欲予老師罰徛矣！

第一條問題：
    根據對話，金生耍電動耍甲「翻點」才去睏，請問翻點是啥物意思？
    ?答案是 (C) 過暗時12點

詞目		音讀		釋義
翻點		huan-tiám		過午夜十二點。通常用在熬夜做事情。
(A) 欲暗時12點		欲 beh/bueh		將要、快要。
(B) 倚暗時12點		倚 uá		貼近、靠近、將近。
(C) 過暗時12點		過 kuè/kè		超過。
(D) 當暗時12點		當 tng		正值、正逢。

第二條問題：
    根據對話，阿母講「一暝全頭路，天光無半步」這句俗諺，表示金生上有可能是啥物款個性的人？
    ?答案是 (B) 空喙哺舌

詞目		音讀		釋義
一暝全頭路 ，天光無半步		Tsi̍t mê tsuân thâu-lōo, thinn-kng bô-puànn-pōo		光說不練，紙上談兵。
(A) 空思夢想		khong-su-bōng-sióng又唸作khang-su-bāng-sióng		不切實際的空想。
(B) 空喙哺舌		khang-tshuì-pōo-tsi̍h		1.信口開河，說話沒有憑證。 2.光說不練、空口說白話。
(C) 想空想縫		siūnn-khang-siūnn-phāng		計畫性地想盡各種辦法去做壞事。
(D) 有空無榫		ū-khang-bô-sún		比喻不合理、不著邊際或沒有結果的事情。

補充：
      有空無榫 → 器物接合的地方，凸的部分叫「榫」，就是「榫頭」，凹陷的部分叫「空」，就是「榫眼」。有凹進去的榫眼，卻沒有接合的榫頭，用來比喻不合理、不著邊際或沒有結果的事情。

解說的資料來源：
教育部臺灣台語常用詞辭典