最新消息

第一手掌握最新的真平訊息

2023.03.28 教材服務 1398人次

【國小】111下真平桌遊：講古骰仔Ⅰ •參考答案

骰仔主題：人、事、時、地、物

※貼紙對照參考語詞
   說明
   以下列表語詞僅供參考，使用者可根據自己主觀認知，發揮想像力，自行定義貼紙意義，沒有固定答案。


※參考答案：
低
年
級		 基礎
(2顆)		 骰得語詞(人+事)：阿爸+落雨。
自編故事參考：阿爸看著外口咧落雨。
進階
(3顆)		 骰得語詞(人+事+時)：阿爸+落雨+拜五。
自編故事參考：阿爸看著新聞講，拜五阮遮會落雨。
挑戰
(5顆)		 骰得語詞(人+事+時+地+物)：阿爸+落雨+拜五+公車+杯仔。
自編故事參考：今仔日是拜五，我佮朋友約好欲做伙去看展覽。本底我欲家己行路去公車站，毋過欲出門的時，阿爸看著外口咧落雨，就講欲駛車載我去，按呢較袂予雨淋甲澹糊糊，「阿爸，你上好矣啦！」我共阿爸司奶，閣一直共伊說多謝！最後，我共 kha-báng 揹咧，環保杯仔紮咧，就歡歡喜喜坐阿爸的車出門矣！
中
年
級		 基礎
(2顆)		 骰得語詞(人+事)：阿兄+騎跤踏車。
自編故事參考：阿兄騎跤踏車出去買物件。
進階
(3顆)		 骰得語詞(人+事+時)：阿兄+騎跤踏車+中晝。
自編故事參考：中晝，阿兄騎跤踏車出去買物件。
挑戰
(5顆)		 骰得語詞(人+事+時+地+物)：阿兄+騎跤踏車+中晝+電影院+車輪餅。
自編故事參考：中晝，阿兄騎跤踏車出去買物件，佇路裡拄著伊的好朋友阿華，阿華招伊下晡去電影院看電影。轉來到厝，阿兄就問阿母伊敢會當去？阿母應好，阿兄就歡歡喜喜出門佮朋友去看電影矣。電影看煞，阿兄閣佇電影院附近買好食的車輪餅轉來予阮做點心，阿兄真正足好的！
高
年
級		 基礎
(2顆)		 骰得語詞(人+事)：警察+捐血。
自編故事參考：阮阿叔是一个警察，伊毋但有正義感，閣會定定去捐血，幫助別人。
進階
(3顆)		 骰得語詞(人+事+時)：警察+捐血+三月。
自編故事參考：阮阿叔是一个警察，平常時仔就真熱心咧做公益，今年三月我生日的時，阿叔 tshuā 我去食好料的，閣 tshuā 我去捐血，這是我頭一擺捐血，幫助別人的感覺實在真好！
挑戰
(5顆)		 骰得語詞(人+事+時+地+物)：警察+捐血+三月+高雄+壽司。
自編故事參考：三月的時，阿爸 tshuā 我去高雄食壽司，順紲去揣阿叔。阿叔是我上欽佩的人，聽講伊自細漢就真有正義感，下願欲做一个為民除害的好警察，這馬嘛實現家己細漢的願望矣。平常時仔伊嘛足熱心的，定定去捐血、做義工。希望我會當佮阿叔仝款，毋但會當實現家己的夢想，嘛會當成做一个對社會有貢獻的人。

 
消息分類
熱門消息
熱門標籤
閩南語認證試看覓台語檢定認證試看覓！臺羅拼音國小客語海報韻母聽力測驗語詞選擇語詞選擇解說朗讀臺語認證蔡金安人體骨骼系統人體骨骼主題海報動詞聽寫測驗
TOP