3月初3是日本的女兒節，閣叫做人偶節、雛祭。

女兒節佇日本是誠受重視的節日，佇這工爸母會準備像坎仔的展示台來囥一款穿日本衫，叫做「雛人形」的日本尪仔。一般來講，這款囥尪仔的坎仔會有七坎，尪仔囥的順序佮內容嘛真講究，其中除了日本尪仔，閣有足濟的小配件。

假使女兒節的尪仔保存了誠好，大部份會代代相傳，有一寡家庭甚至有超過幾若百个，看起來足壯觀。

毋過雖然講女兒節的尪仔排起來誠了時間，毋過只要3月初3一過，女兒節的尪仔連鞭就愛收起來，因為古早人相信這會影響查某囡仔大漢以後的婚期。

除了女兒節的尪仔以外，女兒節閣有誠濟應景的物件，譬如會佮尪仔囥做伙的菱餅、雛霰佮白酒，另外嘛會用蚶仔表示女性對愛情的專一，送禮方面，大多數會揀佮桃花相關的物件，親像和菓子等等。


照片來源：雛祭- 维基百科，自由的百科全書