最新消息

第一手掌握最新的真平訊息

2017.03.03 母語交流道 949人次

驚蟄（新曆3月初5／初6）

簡介：掌管這个節氣的神是雷公，雷公會霆雷，共睏冬的蟲叫精神，所有佇寒人覕起來的蟲攏會出來活動。作穡人愛開始拍拚巡田水、掠害蟲。這陣嘛是杜鵑的花季。

俗語：驚蟄，鳥仔曝翼。寒人的時覕起來的鳥仔，佇這个時陣飛出來曝日。

人文活動：舊曆2月初2是土地公生，有「做頭牙」的風俗，開公司、做生理的頭家會準備豐沛的祭品來為土地公慶祝，嘛會請員工「食春酒」，希望員工會當繼續為公司拍拚。

當令食材：韭菜。桃園大溪的韭菜規年迵天攏有生產，毋過春天的韭菜上芳、上好食。

      煙仔魚(鰹魚)。逐年3~6月，佇花蓮沿海會當掠著真濟煙仔魚。

照片來源：驚蟄（國曆3月5或6或7日）(農委會) - 行政院農業委員會
消息分類
熱門消息
熱門標籤
閩南語認證試看覓台語檢定認證試看覓！臺羅拼音國小客語海報韻母聽力測驗語詞選擇語詞選擇解說朗讀臺語認證蔡金安人體骨骼系統人體骨骼主題海報動詞聽寫測驗
TOP