最新消息

第一手掌握最新的真平訊息

2014.06.12 母語交流道 817人次

大墩台語教育學會 成立

大墩台語教育學會
漢城中文學才得員
雅普組研子培專個
音遍會究弟訓業個
傳使來費種眾實收
寶用探辛子人力碩
島多索勞播褒好果


本會宗旨
一、確保語言人權、落實台灣母語教育。
二、促進實施公平正義的台灣母語政策,建構多元、開放、互相尊重的台灣文化。
三、傳承河洛台語文化、民俗才藝的智慧和經驗。

本會之任務
一、致力推動傳統漢學傳承儒家思想。
二、催生行政院設立河洛( hô-ló)事務委員會。
三、推動國民教育的母語教材,落實在台灣主體性的本土文化。
四、推行台灣母語的口語化、生活化、社區化。
五、辦理台灣語文學術性的研討和交流。
六、推行消費者使用台語運動。
七、培訓台語文專長人才及培訓母語種子教師。
八、辦理社會公益事項及政府機關、團體之委託服務事項。



成立本會的動機    張淑柑

      今年歇寒天氣特別寒,寒流一波一波送袂停,像寒sih-sih的冷風吹甲予人起交懍恂,好佳哉有一陣老朋友互相關懷,閣鬥焐燒,若無恐驚會重感冒。

    為著佇大台中市服務的台語老師有一個共同拍拚的目標,為著逐家推搡台語,有意見欲表達,心肝礙虐有消透的對象,經過三番兩次,應該毋那,考慮再考慮,想甲暗時煎鹹魚,感冒好袂離,上好的辦法就是閣生一個,才有法度共理念相像、出力相伨的友志,團結起來。

      人講:眾人若仝心,烏塗會變黃金,這陣互相關心,熱心幫讚的台語老師,這個會是咱逐家的,這欉樹仔是咱鬥陣栽的,用心偌濟關係伊將來的大細,出力愈大伊的樹影就蔭愈闊,生根發葉了後代代生湠,向望逐家用歡喜的心情,誠懇的態度,出力相拱,予伊成做一欉有情有愛,有美好將來,又閣人人意愛的社團樹。

    當然進一步希望這個會親像橋樑,毋管針對冊商出版社抑是政府機關,為咱爭取各種福利,因為逐家毋那真熱心,真濟作為嘛予人真感心。像我感冒,逐家相爭紹介醫生佮秘方,聽著病就好一半,所以希望透過這個會的成立,予咱的聯絡網閣較周至,會當隨時傳達相關資訊,予逐家佇教學上順序精進。

      遮短的期間,遮濟的代誌愛完成,我愛感謝每一個會員佮幾位籌備委員,因為恁的認同佮無私,因為恁的配合佮走傱,積沙成塔,積水成河,予咱做伙交出一張真媠氣的成績單──大會成立,相信日後毋管面對啥物波折,咱攏有法度排解,閣較大的打擊,咱攏會順利通過。

                   大墩台語教育學會  發起人:張淑柑、林炤慧、廖妍媚
  • TAG:
TOP